全球金融及商界「十佳」退休地點

外國財經網站

全球金融及商界「十佳」退休地點

葡萄牙🇵🇹佔左2個🉐💪🏻


//

【1、葡萄牙阿爾加維(Algarve Region, Portugal)】

阿爾加維是葡萄牙最南嘅一個大區,呢個地方好安全同埋有良好嘅醫療服務,英文係常用語言,而且呢度嘅氣侯宜人同埋有好多娛樂活動,有100英里長嘅大西洋海岸線同埋42個哥爾夫球場。如果銀彈唔太充足,阿爾加維喺退休人士喺西歐最好嘅選擇,因為喺西歐嚟講,呢度嘅生活成本比平均水平低30%。一間2人房租金只係720美元(約5,600港元)一個月。


【2、馬爾他法勒他(Valletta, Malta)】

法勒他係馬爾他嘅首都,位於西西里南部和北非海岸以北,你只需要一間月租超過915美元(約7,137港元)嘅兩房單位就可以住喺度!呢度雖然唔係馬爾他最靚嘅城市,但有最好嘅夜生活。


【3、墨西哥馬薩特蘭(Mazatlan, Mexico)】

馬薩特蘭係一個以旅遊業和漁業為主嘅城市,呢度因其北美移民社區而聞名,呢個身處太平洋海岸嘅海灘勝地有20英里長嘅海灘,興旺嘅捕魚業,眾多歷史建築,美味嘅街頭小食,國際機場同埋熱帶氣候。


【4、意大利阿布魯佐(Abruzzo, Italy)】

live and invest話呢度係最被低估嘅意大利地區,生活費較低。根據調查,一對退休夫婦每月生活費連住宿只係1,400美元(約1萬港元)。喺呢度,夏天就去沙灘,冬天就滑雪,因為沙灘同滑雪場都係近在咫尺。


【5、法國聖希尼昂(Saint-Chinian, France)】

聖希尼昂係法國埃羅省的一個市鎮,最為人熟悉嘅係紅酒、白酒同埋玫瑰紅酒。每月用1,800至2,100歐元(約1.8萬至2.1萬港元),就可以舒舒服服咁享受退休生活。


【6、馬來西亞吉隆坡(Kuala Lumur, Malaysia)】

吉隆坡係馬來西亞首都兼最大城市,被選為亞洲最佳退休地點,呢度總共有700萬人居住,雖然稱唔上安靜及遠離繁囂,但勝在生活費用低同充滿異國風情。每月房租大約560美元(約4,368港元),如果你有時想靜吓,仲可以去城市周圍嘅鄉村遊覽,大部分吉隆坡人都識英文,唔使擔心溝通唔到。


【7、葡萄牙里斯本(Lisbon, Portugal)】

里斯本係葡萄牙首都和最大都市,同時係葡萄牙第2個上榜嘅城市,呢度有其他歐洲首都嘅吸引力,但消費又比其他歐洲首都平,仲有好多沙灘,由里斯本飛去美國好方便,每日都有航班來回美國紐華克和邁阿密。呢度每月房租約770美元(約6,000港元)。


【8、匈牙利布達佩斯(Budapest, Hungary)】

布達佩斯係匈牙利首都,亦係歐洲其中一個最大嘅都會。布達佩斯有「東歐巴嚟」和「多瑙河明珠」的美譽,夜景優美、生活悠閒寫意,愈嚟愈多人揀選呢度作為佢哋嘅退休勝地。


【9、墨西哥聖米格爾德阿連德(San Miguel de Allende, Mexico)】

聖米格爾德阿連德係墨西哥中部的一個直轄市,有啲本地人話呢度係最好嘅退休地點。呢個城市有好大嘅移民社區,而且任何時間都有最少30幾樣活動可以報名參加,包你唔會悶。平均嚟講,一對情侶每月使費只係約1,500美元(約1.1萬港元)。


【10、喬治市馬來西亞(George Town, Malaysia)】

喬治市係馬來西亞檳城州嘅首府,相比馬來西亞其他城市,呢度生活節奏較慢同埋面積較細。呢度有出色嘅醫療服務,而且價格合理。再者,本地人主要用英文溝通。ECA international曾經揀呢度作為馬來西亞最宜居城市。


Lonely Planet就話呢度喺美食之都,咩都有得食,包括中國菜、馬拉菜、印度菜同埋泰國菜等等,而且每人每餐平均只喺3蚊美元(約23港元)。細單位每月房租約300美元(約2,340港元),如果你想住海景別墅,就盛惠每個月3,000美元(約2.3萬港元)。 //


Source at

http://hk.on.cc/hk/bkn/cnt/finance/20180330/bkn-20180330164444433-0330_00842_001.html

Recent Posts

See All

【葡教育】啟發式教育 別自我限制

#葡教育 研究發現,從5歲開始,許多女孩就發展了「自我限制」的信念,並開始認為自己不像男孩那樣聰明和有能力。他們不再相信自己的性別可以做任何事情。這被稱為夢想差距 Dream Gap。Barbie於2018年啟動了Dream Gap Project。持續不斷的在全球倡議,提供資源和支持,為女孩們要繼續「相信自己」。 葡萄牙有學校加入推廣及支持。做父母的,也許我們諗緊,想仔女入咩學校、或者鋪條咩路的

葡萄牙香港人|葡萄牙投資移民|葡萄牙買樓|葡萄牙物業投資|移民葡萄牙|葡萄牙移民|經驗分享|Portugal Golden Visa

​葡萄牙移民|【葡萄牙香港人】移民買樓 80後家庭出走歐洲

  • Black Facebook Icon
  • Black Instagram Icon

© since 2015 by AdeusHK.com

5ae21cc526c97415d3213554.png