有人問我移民擔唔擔心?最後徒勞無功?

回想當初,我真心咁講,我真係驚到要死!都唔知失眠咗幾多個夜晚...很坦白,50萬歐的移民,可能普普通通香港人層樓都唔止,不過要調動一筆咁既現金,其實唔係話隨隨便便買隻股票咁簡單(我依d偽中產心聲)。更甚者,錢可能是其次,有時家人才是讓你最難走捨的。


👣我這一代是難民式移民多過富貴走人 由有移民念頭,到選定一個對好多香港人不太認知的葡萄牙(去澳門就多),自己都會離一離心,莫問仲會唔會周圍同人講咁勇了,因為實在有太多人的不認知、不理解、不認同。最初的自己心諗,既然選擇想走出去,行出一條路,就唔好理人咁多啦。自己默默低著頭去搞買樓、移民。別介意別人奇異的眼神。


👣路,就是一步步的行出來。 我沒有乜咁巴閉,要講到自己好叻咁成功走出去。事實是,移民的人或多或少,都會經歷不為人知和明白的黑暗歷程。葡萄牙移民資訊不多,沒有前人的引領,我就靠自己去開拓,我的移民路是從跌跌撞撞中走過來的,那不是一種讓人輕鬆的經歷。幸運的在路上遇到同路人或是新相識,大家會互相支持一下,就各自再上路。


👣幾年前的我 就是想認識葡萄牙香港人家庭 回歸初心,那是我為什麼起依個page名的本意。那一年,我真好想認識今日的我,到底平行時空下有冇一個咁既家庭。哈,那當然最後我找不到。卻自己做了這個人。


👣移民要靠的是自己沒有人幫到你最後 我感激這位朋友問我這個問題,無論你是否在考慮移民、想行動去做、再等待更好的機會。我想講,其實真係冇話對與錯,世界上如果有100%win方案的話,我不會有今日的故事,也很可惜現實中沒有一個人會帶你行完整個旅程。你得自己去完成你的旅程。


共勉之。




葡萄牙香港人|葡萄牙投資移民|葡萄牙買樓|葡萄牙物業投資|移民葡萄牙|葡萄牙移民|經驗分享|Portugal Golden Visa

​葡萄牙移民|【葡萄牙香港人】移民買樓 80後家庭出走歐洲

  • Black Facebook Icon
  • Black Instagram Icon

© since 2015 by AdeusHK.com

5ae21cc526c97415d3213554.png