母忘當初想走的那個我

🔥長文爆Seed慎入,如果我係話你我真係話你🔥


母忘當初想走的那個我 有人問做乜最近少咗寫🏠里斯本地區既小知識?首先很感謝這位朋友,令我知原來地區小知識,係有人會追看的。事實是近來我也在糾結響幾個問題上面...


1️⃣️「為乜係度sell葡萄牙❓咁做同屍骨龍黎左香港之後,引入更多蟲有乜分別喎❓」🔥

站在道德高地的角度,這問題的確令我反思咗好耐。係喎,我咁做好似真係同某類人做緊同一樣咁乞人憎既事。「你呀,引入咁多香港人,搞到當地啲樓貴晒,同叫人去腥港炒貴人地啲樓咪一樣❓」


當我內心掙扎緊應否繼續做的時候,適逢收到幾位朋友的PM,幫我解決左呢個問題。佢地不約而同,都係問我類似既:「我想請教下你,響果邊容唔容易搵工呀❓」 感謝呢幾位朋友,你地幫我解答左一個心結。香港人同的最大既分別係,香港人非常熱愛返工(其實都唔知係咪好事☠️)但香港人以我所見移民去既,都係有啲想法或家底,無乜人問我想去當地申請綜援呢一類既野。


2️⃣ 熟既區份我會寫,唔熟既區份我更加要寫‼️ 將心比己移民的人想知乜,我咪盡少少力寫多少少。移民要買樓的話,無論是自住定投資,考慮區域是必需的,因為會直接影響你的生活或投資回報。我覺得作為一個移民,總有責任去了解一下自己身處既國家同地方。

一個國家,只要有多過一個人,就總會有好同唔好既地方。好好壞壞我都會寫,因為咁先係呢個國家最真實既一面。正如好多人話日本好好,好鍾意去日本,但真實你對日本既生活文化認識幾多?邊區適合旅客但不宜居住又知幾多?我覺得從一個旅客黎講,係呀去葡萄牙玩10日8日一頭半月係好好呀,


所有野都好美好呀。有冇考慮過有機會會響街頭俾人逗?俾人當面話:「this district is not for you, GO AWAY!」我就試過。


好既區份我會寫,唔好既區份我都會寫‼️熟既區份我會寫,唔熟既區份我更加要寫‼️因為咁先迫到自己去了解呢個國家。當然寫既過程,一定會有個人偏見,希望看倌不喜勿怪。

當然,最終有冇文出,都係睇小編偷唔偷懶🤣 但我會盡力去寫我知道既部份。如果有看倌有補充不妨PM小編,我好樂意修改。


3️⃣免費內容歡迎收看 唔鍾意睇廣告冇人迫你🔥

阿豬媽最初開設呢個PAGE既時候,其實冇諗過話想從中得到啲乜野。只係作為過來人,我地好明白香港人目前環境,想走又好似冇得走。搵到地方走,又人生路不熟好迷網。

我地將我地既經歷一步步咁公開出黎,係咪為左要人錢❓Sorry依度的內容都是免費的,到依一刻我地一毫子都冇收過,我都好想有囉😭,哈!我地公開得既資料,唔少內容移民中介係要收費先會提供。噢,即時明白晒!點解有人會懷住惡意咁黎質問我地。OK阻人發達罪大惡極,但我唔會因為人地點睇去否定自己應該做的事。至於你話如果有心想買樓移民我們歡迎個別PM吧。📩


4️⃣人人話想移民 唔通個個都移民咩🔥 但我地想講,按香港人目前既情況,10個口講話移民,9個半最終都唔會行動。但就算得1個好、半個好, 只要佢有行動,而我地既資料又幫到你既,我地已經好滿足。

因為我地永遠唔會知道,你幾時連走既自由都會冇埋。So Sad...

最後,我希望走的那個會是你!




葡萄牙香港人|葡萄牙投資移民|葡萄牙買樓|葡萄牙物業投資|移民葡萄牙|葡萄牙移民|經驗分享|Portugal Golden Visa

​葡萄牙移民|【葡萄牙香港人】移民買樓 80後家庭出走歐洲

  • Black Facebook Icon
  • Black Instagram Icon

© since 2015 by AdeusHK.com

5ae21cc526c97415d3213554.png