葡萄牙放租要知:包租公的煉成2

又講下放租要知既嘢: 1️⃣上次有人問如果遇到租霸,有冇好似香港土地審裁處既機構⁉️ 🔎答案係:有,但同香港一樣,香港個人經驗由第一次去土地審裁處第表到執達吏上黎爆門入屋收樓,歷時4個月,呢邊聽律師講需時更久。 事實上我響呢邊好好彩未遇過咁既情況。最多係租客遲交租,但最終都有交返足晒。如果租客有經濟困難既,我都會由佢走,好黎好去麻。 🔎呢邊葡萄牙租約,同香港有少少唔同,呢邊同租客簽租約,可以要求對方有擔保人,如果租客唔交租,理論上係可以向擔保人追租既。 🔎不過一般情況下,都係同香港一樣,可以和平分手就盡量和平分手,同埋有2個月按金係最基本既保護自己既方法。當然最好就係搵個好既地產中介幫自己搵個好租客啦。(所以我呢邊9成租客都係經同一間中介搵既,佢地幫我搵既租客相對高質。一陣搞到自己一鑊粥驚俾人制裁喊住咁出黎記者會就無謂啦係咪?) 2️⃣至於大家都好關心既乜嘢邊區好租,邊區回報高⁉️ 🔎我都係果句,你肯比巿價低少少一定比巿價快租出。 🔎你包傢電一定比吉屋租金高一啲。 🔎你單位有包車位都有機會係一個優勢。 我無謂侮辱大家智慧。 咁放租幾年個人覺得空租期1-2個月係好正常既事,始終呢邊供應比香港多好多,如果你係市中心自由大道或者Marque de Pombal既住宅當然會再也啲租出,但你唔會預呢啲區可以好平咁買到。價錢已經反映左事實。 諗到乜就寫乜,經歷過乜就寫乜,有錯還請見諒。 #賣港自己揀 #被制裁先喊 #放租放得啱 #萬事都好閒 (覺得自己向畢加索又近左一步XD)







葡萄牙香港人|葡萄牙投資移民|葡萄牙買樓|葡萄牙物業投資|移民葡萄牙|葡萄牙移民|經驗分享|Portugal Golden Visa

​葡萄牙移民|【葡萄牙香港人】移民買樓 80後家庭出走歐洲

  • Black Facebook Icon
  • Black Instagram Icon

© since 2015 by AdeusHK.com

5ae21cc526c97415d3213554.png