葡萄牙買樓收租Q&A

葡萄牙啲樓好唔好租嫁⁉️ 大約要幾耐租得出嫁⁉️ 回報有幾多厘呀?"⁉️諸如此類既問題⁉️


咁多人問出租我就一次過答晒好了 由於工作困身,最近阿豬爸阿豬媽都少左出POST。先同大家講聲唔好意思。今日想講呢個TOPIC,主要係因為有唔同既版友,多次問過我地同一個問題。

即係咁講,其實我想講呢個問題可以答得你好簡單,亦可以答得你好複雜。簡單既,我大可以HEA你一句:「睇地點啦!睇裝修啦!睇人品啦!睇你靚唔靚仔啦!」咁上下(被丟水樽)🤣

我唔知大家既背景,由於大家可能黎自五湖四海,我今次破例一次講多少少,以後再想問同類型問題既朋友,麻煩爬一爬文先‼️‼️


如果你要同香港比較租金回報 香港既租金回報近幾年其實好低,因為樓價升得太誇張。你用租金*12/樓價黎計,香港一般屋苑既租金回報可能得2-3%。

空租期呢樣野,其實唔洗問我,大家應該知,如果你隔離左右放緊$10000租/月,你放$15000除非你係豪裝,否則放3/5個月或者有冇人黎租都成問題。同樣道理,人地放$10000,你放$9000,相信你唔洗1個星期就搞得掂 (個人最快經驗係收返鎖匙後5日租出)。


如果世界上有必勝的秘級哈哈哈 當然如果物業係比較早期買落,香港回報可以去到7-10%。或者有人用「其他方法」去升高回報率,我呢度就唔會多講,因為比較極端。但希望大家明白,如果我話俾你聽:「係呀,里斯本買樓投資回報去到20厘嫁,我一個人賺太多,夠皮喇!嗱,我而家就有個荀盤......」 睇開警訊既大家,我都唔會用呢類答案去侮辱大家既智慧🤣


短租和長租的利與弊 里斯本既租金,其實同其他大都市差唔多,都係~3-5%(稅前)。個人經驗做短租會高一啲,但麻煩同埋自己要理既野會比較多,因為長租水電上網都係租客自理(有響香港放租俾人既業主,應該會熟悉呢一點)。短租你除左要包水電上網之後,管理公司服務參次不整,亦係業主既成本之一。好既管理公司,可以令你入住率KEEP到90%以上。不論旺或淡季,差既管理公司可以做到你個朵臭。

當然如果你響香港,係經營開相關業務既另作別論!


請先了解自己想做咩先 而你出租既類型亦會影響你葡萄牙買樓既地點,由於GV一綁就5年,所以大家自己做多啲功課。為自己為將來,好過就咁丟個波俾人,對嘛⁉️




葡萄牙香港人|葡萄牙投資移民|葡萄牙買樓|葡萄牙物業投資|移民葡萄牙|葡萄牙移民|經驗分享|Portugal Golden Visa

​葡萄牙移民|【葡萄牙香港人】移民買樓 80後家庭出走歐洲

  • Black Facebook Icon
  • Black Instagram Icon

© since 2015 by AdeusHK.com

5ae21cc526c97415d3213554.png