我在木屋的日子
80後出生在香港的草根家庭，細個跟阿爺阿嫲、爸爸媽媽哥哥、阿叔，一家7口住係牛頭角200幾呎公屋，跟住因爲太迫爸媽就係牛頭角既木屋區，用幾萬蚊買左個小小既角樓房仔，開始了一家四口子的生活。嗰陣我仲係讀緊幼稚園，細個係唔會識咩叫窮，住在木屋只覺得好好玩，每日在好窄的樓層上上落落屋企，廚房和廁所都是共用的。在木屋不時會有火燭，有時訓到午夜驚醒火燭，就要逃難，爸爸媽媽也想定了很多點逃生路線，有經屋頂鐵皮走、地下、跳去隔離屋陽台...唔係講玩，火燭係會死人的，當時細個唔明，點解父母咁緊張，一聽到火警鐘就嚇到死。有一幕就是，我們成功逃出，在牛頭角地鐵站望番落下，一片火海，周圍既人都好迷茫，望住希望唔好燒到自己間屋，有d仲喊晒燒左間屋乜都冇晒....果陣我得3、4歲，也能感受成年人失去家園的痛，幸好每一次都沒有燒到自己屋企，讓我繼續開開心心度過幼稚園的生活。
待續...
