#葡萄牙按揭市場 新聞內容係話，業主以Euribor利率供款俾銀行，響12月繼續下跌。👈🏻呢度佢好似係用6個月既拆息去計，而香港HIBOR PLAN多數係以1個月去計，唔肯定啱唔啱，有專家知不妨話聲我知⋯
#什麼是Euribor Euribor 類似香港既Hibor，係歐洲銀行間既拆借息率。
供款下跌，即俾少幾多錢？佢用左一個例子： 假設一個客人借15萬歐，供30年，銀行食你1%。佢今個月既供款係459.59歐元，比起6月時既模擬俾少 6.71歐元 👉🏻葡萄牙用逗號代表小數點嫁
#同香港做按揭好唔同 香港買樓以前用P plan，之後先有H plan。大家唔會知銀行賺你幾多息。
葡萄牙就分開黎計，同埋講明俾你聽既，6個月拆息+銀行賺你既息。如文中講既1%，就是你實際要俾既息，當然呢個係浮息。
#定息年期短 你想要定息類似P plan都有，阿豬爸同銀行傾過，個年期會批得緊啲，不過呢啲後話。
#我只信真實經驗 同埋報導中，佢呢個CASE其實報細左個息。阿豬爸問銀行，個個都1.25%起跳❗年輕人，報紙既數據，當參考下好喇⋯
#6個月拆息或是3個月拆息 葡萄牙用得最多係6個月既拆息plan，3個月既排第二。之後報導又話，如果係用3個月拆息的話，供款係反而多左既，雖然金額好細0.47歐。
#負利率講乜 最後講「而家葡萄牙仍然係負利率既」人地個負利率，係指你借錢要俾既利息，低過你存款所得既利息🤷♂
完。
文章傳送門: https://jornaleconomico.sapo.pt/noticias/prestacao-da-casa-paga-ao-banco-desce-em-dezembro-521039
#偽中產豬家走去問按揭 🐽🐽🐽 題外話，阿豬爸當年搵銀行傾，一般銀行俾我既答覆係 👉🏻定息plan只可以做25年 👉🏻浮息plan就俾你做30年
但你唔好預好似香港咁，當層樓係提款機🤷♂葡萄牙做re-mortgage或者top up都非常。麻。煩❗嚴格黎講係做按揭都極。麻。煩❗
🚫所以唔好諗住可以響葡萄牙用樓升值套錢 🚫所以唔好諗住可以響葡萄牙用樓升值套錢 🚫所以唔好諗住可以響葡萄牙用樓升值套錢 .
好緊要所以講三次‼️‼️‼️‼️