葡萄牙年尾回顧和2019歐洲的一些危機

Updated: Jan 6, 2019

🇵🇹 葡萄牙年尾回顧和🇪🇺 2019歐洲的一些危機(上)


又到年尾,係時候回顧一下2018年,以及展望2019年的國際形勢。


1️⃣葡國經濟發展放緩,中國資金進入


🔎2017-18年間,葡國經濟穩步向上,旅遊業暢旺以及新移民增加,樓價急升。葡國開始喺某啲區域限制短租牌照(alojamento local)數量,以及推出新一批居屋(habitação social)幫助低收入人士上樓。但估計 2019 年起,葡國經濟發展將會放緩,因為好多基建跟唔上發展步筏,機場飽和、巿區交通擠擁、旅遊配套跟唔上,葡國發展已經去到一個樽頸位。


🔎十二月初習近平訪葡,中國公司在之前已經收購咗葡國電力EDP,日後更將投資CP(火車公司)和 Sines 貨櫃碼頭,而小米手機亦已經打入葡國巿場。中國資金雖然會幫助到葡國建設,但肯定會帶來好多後遺症。觀乎葡國傳媒報導,無論葡國政府或傳媒,都一面倒歡迎中國投資,似乎對中國企圖控制重要基建毫無警惕。但其實習近平包起成間酒店,出巡要封路,財大氣粗的表現,已經開始惹來一般葡國人反感。  


🔎英國、德國、美國都唔希望見到西班牙、葡萄牙向中國靠攏。但大家要明白葡國一向有中立嘅傳統,在二戰時期,葡國係中立國,兩面逢緣,一方面容許納粹德軍進入葡國本土,但同時將阿速爾群島交畀英美作為基地。葡屬澳門一方面容許日本軍隊搜購物資,另一方面暗中容許英軍服務團建立情報站。故此,美國雖然希望中美貿易戰期間,歐盟各國歸邊,但葡國似乎繼續保持呢種中立政策。



2️⃣ Brexit 有啲人攞葡國護照,但其實目的係想移民英國、愛爾蘭等英語系國家。假如有葡國護照而想移居英國的話,就要喺明年三月 Brexit 之前決定,英國已承諾在明年三月之前已經居於英國的歐盟人士可以繼續居留。但三月之後,無論 Hard/soft Brexit,歐盟國家人士將會需要簽証去英國居住或工作,英國人亦同樣需要簽証在歐盟居住或工作。但要知道, Brexit 令英國的政治和經濟前景非常不明朗,北愛爾蘭嘅邊境問題猶其棘手,無論文翠珊嘅Brexit方案最終能否通過,會唔會重新公投等等,都會帶來英國社會動盪。相對來講,葡國即使在經濟衰退嘅時候,都仍然相對和平同安全,呢方面亦需要考慮。


#避秦避極都仲黎搞住我 #葡萄牙係鬼城千析唔好黎


3. 歐洲債務危機重現 大家如果有留意嘅話,幾乎每十年會出現一次經濟崩潰。2008 年雷曼事件引發全球經濟大衰退,而導致之後幾年歐洲債務危機,要去到大約 2015 年先至開始陸續復甦。但近來開始多報導,意大利的國債出現問題,波蘭、匈牙利、希臘、西班牙仍然國債比例太高,呢個將會係新一輪歐洲經濟危機嘅觸發點。法國近來因為增加燃油稅引發大規模黃背心示威,亦顯示法國社會中產及低收入人士對社會不公平嘅情況不滿大爆發,而呢個運動有擴展嘅趨勢,比利時、荷蘭都有人示威。葡萄牙今年亦有因居住,共享車輛及教師薪酬之示威活動。



4. 極右政黨抬頭 近幾年,主要因為難民問題,導致各國極右政黨開始抬頭。雖然今年關於難民嘅負面新聞減少,但各國都開始收緊難民政策,近來丹麥在來往德國邊境以及來往瑞典 Malmö 的大橋都設置臨時邊境檢查,主要原因係想監察難民嘅出入境。丹麥政府表示會將國內嘅難民送去孤島隔離。

但各國極右政黨的訴求其實好唔同,有啲著眼點在於想減少歐盟嘅控制,希望能夠控制自己國家的邊境關卡、關稅等等,亦有啲例如西班牙的極右政黨則更著眼於加強自己國家內部嘅「統一」,希望壓制卡塔隆尼亞等地區嘅分離主義。相對來講,葡國暫時仍然未有極右政黨抬頭嘅情形。

#都係果句葡萄牙好窮嫁 #拜託唔好湧過黎 #要不是XXX來消費


5. 溫室效應對歐洲影響 近年歐洲夏天熱浪嘅日子越來越長。今年葡國中部山區氣溫曾經一度升至最高50度。較北方如英國,亦有一個星期35度或以上。2017 年葡國山火曾經延綿四個月以上,造成60多人死亡。2018年竟然輪到北歐瑞典出現山火。溫室效應亦令葡國越來越乾旱,雨季縮短,農業減產。有專家認為撒哈拉沙漠將會伸延到西班牙、葡萄牙南部。溫室效應亦令季候風加劇。季候風沿自加勒比海和大西洋,通常係秋冬季吹到歐洲西岸,會造成英國及北歐大風雪。另外,雖然歐洲各國都積極推廣再生能源、電動車等等,但各國都未能達到巴黎環保協議嘅減碳標準。

早前葡萄牙既巴士公司Carris用Menos Carros, Mais Carris(減少汽車,坐更多Carris)做口號希望更多人使用公共交通公具


www.adeusHK.com



Recent Posts

See All

【葡教育】啟發式教育 別自我限制

#葡教育 研究發現,從5歲開始,許多女孩就發展了「自我限制」的信念,並開始認為自己不像男孩那樣聰明和有能力。他們不再相信自己的性別可以做任何事情。這被稱為夢想差距 Dream Gap。Barbie於2018年啟動了Dream Gap Project。持續不斷的在全球倡議,提供資源和支持,為女孩們要繼續「相信自己」。 葡萄牙有學校加入推廣及支持。做父母的,也許我們諗緊,想仔女入咩學校、或者鋪條咩路的

葡萄牙香港人|葡萄牙投資移民|葡萄牙買樓|葡萄牙物業投資|移民葡萄牙|葡萄牙移民|經驗分享|Portugal Golden Visa

​葡萄牙移民|【葡萄牙香港人】移民買樓 80後家庭出走歐洲

  • Black Facebook Icon
  • Black Instagram Icon

© since 2015 by AdeusHK.com

5ae21cc526c97415d3213554.png