最近開始有唔少朋友問我，里斯本既區域問題。咁的確外人黎睇係幾複雜既。我試下逢每星期出一篇專講 #里斯本既不同區域小知識。但事先聲明，作為一個死離地中產移民，睇野可能唔夠客觀，大家唔啱睇既希望包容一下。
🇵🇹🇵🇹 大里斯本vs小里斯本🇵🇹🇵🇹
里斯本係一個好籠統既稱呼，里斯本都有「大里斯本」同「小里斯本」之分：
#大里斯本 大里斯本泛指里斯本區，內河Rio Tejo以北去到Lourinha及Cadaval，東至Azambuja。大里斯本分左16區，小里斯本係呢16區入面其中一個，被Loures、Odivelas、Amadora、Oeiras包圍住。
#小里斯本 好大部份既商業活動都係響小里斯本入面進行。小里斯本分左超過20個區域，今日我就講一講一個比較多遊客去既區域：Santa Maria Maior。講名大家會話：「而我不知道Santa Maria Maior是誰？」但如果我講Alfama、Chiado大家可能會聽過。
有返咁上下年紀既朋友，如果有玩過大航海時代的話，印象中既里斯本係一個大廣場。而果個廣場個人認為係極似Praça do Comércio既。俾個傳送門大家去望下: https://goo.gl/maps/dW6Z4VDK9Ss
📍Alfama : 呢區就古舊啲（個人感覺有少少似台灣九份），但一到節日會大街小卷都堆滿遊客。呢區黎緊會起一個郵輪碼頭，但完工日期.....按歐洲人既作風，大家都係等下算啦。五小區入面得呢一區係冇地鐵站（Terreiro do Paco我個人覺得太遠唔係咁就腳）。
📍 Baixas : Praça do Comércio位置係響Baixas區，呢度幾條直出Praça do Comércio既街道都係餐廳，賣野俾遊客既商鋪亦比較多。
📍 Chiado : 就好似蘭桂坊咁，好多酒吧，夜生活。
📍 Baixas同Chiado有好多地鐵站，密到好似太子旺角咁既距離。
📍 Mouraria : 呢區有個好出名既山上城堡---Castelo de Sao Jorge。Sao Jose Hospital亦響呢區。呢區我自己就成日要上山落山上山落山（里斯本本身多山）真係每日行多幾步身體都好啲呀。但俾遊客或者租客住你，就要睇返同地鐵站既距離。
📍 Rossio : 酒店區，地鐵亦有站。
其實以前如果你響Santa Maria Maior有物業的話，基本上做短租都絕對唔驚會空置。
🇵🇹🇵🇹 短租vs長租考慮🇵🇹🇵🇹
🔎可惜......2018年10月尾11月頭開始，葡萄牙政府唔再批呢區既短租牌照申請。即係你再新買既都唔可以用黎做短租，只可以長租俾想去里斯本長住既居民。
🔎如果想投資做短租的話，就要多加留意喇。另外佢唔批係冇講會停到幾時，所以如果同代理傾開，佢地都建議我地諗下長租俾人比較安全。
大家當聽下咁囉.....
