今日講呢區又有佢特別既地方，特別在乜野呢?
📍港人熟識的高樓建築：有住宅、有酒店 一般香港人心目中里斯本既印象，應該好似其他歐洲城市既古老殘破鬼城版。但呢一區，相對多新型既建築物（如雙子塔）。Novotel亦有間酒店響呢區，一般香港人黎呢區，應該會有幾熟悉既感覺。
📍火車站、地鐵站的相匯點
Campolide附近有2個地鐵站；Praca de Espanha 同埋Jardim Zooliogico。而響雙子塔twin tower隔離，就係一個好大既火車站Campolide，交通可以話相當方便。同區亦有里斯本大學，可以話係一個相當適合居住既地區。
📍靜中帶旺，本地人生活區：學校、醫院、住宅、小店
由於呢區位於里斯本比較外圍既地方，所以反而冇咁多遊客會黎（除左去動物園玩之外，里斯本動物園響附近）
呢區亦有幾間唔錯既私校，呢區亦都比較新，所以以apartment為主。個人幾鍾意響呢區生活，唔會俾遊客打擾到之餘又夠方便。簡單而言，呢區係以住宅、大學、私校、火車、地鐵為中心，一個相當安寧既區份，「靜中帶旺」大概就係呢種感覺......
如果叫我評分，Campolide會係 交通 ⭐️⭐️⭐️⭐️⭐️ 歷史價值 ⭐️⭐️ 配套 ⭐️⭐️⭐️⭐️⭐️ 商業價值 ⭐️⭐️⭐️ 地段 ⭐️⭐️⭐️⭐️ 潛力 ⭐️⭐️⭐️
豬年祝大家🐷圓肉潤，🐷籠入水，發過🐷頭
