今日同大家講呢個地區，可以話係小里斯本入面比較傳統既遊客區 (所以同之前講既地區一樣，俾葡萄牙政府BAN左唔俾再申請AL住）。
Misericórdia由四個部份組成：Bairro Alto、Mercês、Santa Catarina、São Paulo
1️⃣Bairro Alto 遊客區中既遊客區,呢區有大量既餐廳，做遊客生意既商店，比較出名既觀點有Praça Luís de Camões。 而Bairro Alto同Santa Catarina，夾住有條橫街斜路，就係好多人鍾意去打卡，影黃色小電車既其中一個總站。以前好多人買呢區做hostel，但自從俾政府BAN左之後，近幾個月多左唔少放盤。如果買黎長租俾人OK，短租就要千萬小心喇。
2️⃣️⃣ Mercês 呢區其實同其他小區，都乜太大既分別。比較出名既係Praça do Principe Real，或者你會話---乜Principe Real唔係響Santo Antonio既咩？其實葡萄牙好多區，係互相交雜既。王儲花園本身係響Mercês，但一堆以Principe Real命名既公司，又會開響對面街。有少少似太子同旺角咁，踩埋一齊。近王儲花園既樓好多都翻新晒，我呢啲離地死偽中產冇錢買了。😭
3️⃣Santa Catarina 呢區9成都係橫街窄巷，得一條主街Calçada do Combro。以前小編都幾鍾意，去呢區尋寶。多未翻新既舊樓，由於橫街多，唔會話好嘈好多車。但出少少又去到大街同商業區、遊客區。但....自從被BAN後，就要從長租既角度出發。
🈯️以上三區鄰近Santo Antonio (里斯本既商業區)
4️⃣São Paulo 鄰近內河，本身都有一個地鐵站Cais do Sodré，呢個地鐵站既隔離，就係碼頭，去河既對面(Almada)。呢度亦有前往Cascais既火車，可以話係一個相當重要既交通樞紐。我個人幾鍾意呢區，不過要留意，近火車既區一黎比較舊同雜，二黎會比較嘈，如果去買樓要自己留意返。小編試過放工時間，響度等巴士，附近完全JAM死晒，明明見到有巴士，但塞左9個字先埋到站......
下期會繼續講被葡萄牙政府🈲BAN HOSTEL LICENSE申請既區份 (仲未講晒呀)。
